Ingurune pribilegiatuan kokatzen den herri txikia da, Auza mendiko magalean kokatua. Baztan haranak osatzen dituen 15 herrietako bat da. Nafarroako mendialdean kokatzen den 500 biztanleko herria da. Baso eta belaiez inguratutako herri xarmangarria da. Bertan, zerbitzu desberdinak daude: parkea, frontoia, supermerkatua, tabernak, jatetxeak…

Xorroxin ur-jauzirako ibildide zirkularra Erratzutik hasten da. 5,6km ditu eta ibilbide egokitua eta seinaleztatua dago.

Izpegiko gaina oso gertu dago, iparraldearekin lotura egiten duen bide eta paraje ikusgarria. Bertatik mendi irteera desberdinak egin daitezke: Auza, Iparla … Bizikleteroentzako portu estimatua da. Gainean aparkaleku haundi bat dago eta Benta desberdinak daude, otorduak egiteko aukera eskeintzen dituztenak.

Herrian bertan tipikoak diren talo gozoak dastatzeko aukera dago, Zubipunta ostatuan.